ភ្នំពេញ៖ ក្រុមបាល់ទាត់ជម្រើសជាតិកម្ពុជា នឹងចាកចេញពីទឹកដីកម្ពុជា ហោះហើរទៅកាន់ប្រទេសបារ៉ែននៅថ្ងៃទី២៨ ខែឧសភា ឆ្នាំ២០២១ ខាងមុខនេះ ដើម្បីចូលរួមប្រកួតវគ្គជម្រុះ FIFA World Cup ២០២២ នៅកាតា ក៏ដូចជាពានរង្វាន់ AFC Asian Cup ២០២៣ នៅប្រទេសចិន។
មុននឹងឈានដល់ការប្រកួតនាខែមិថុនាខាងមុខ ថ្ងៃនេះគេហទំព័រ E-Arts សូមធ្វើការបង្ហាញជូននូវកីឡដ្ឋានទាំង៣ សម្រាប់ទទួលការប្រកួតរបស់ក្រុមជម្រើសជាតិកម្ពុជារួមមានដូចជា៖
១. កម្ពុជា ប្រកួតជាមួយ បារ៉ែន (ថ្ងៃទី០៣ ខែមិថុនា វេលាម៉ោង ១១៖៣០នាទីយប់) នៅកីឡដ្ឋានជាតិបារ៉ែន - Bahrain National Stadium ផ្ទុកទស្សនិកជនបាន ៣៥,៥៨០នាក់។
២. កម្ពុជា ប្រកួតជាមួយ អ៊ីរ៉ាក់ (ថ្ងៃទី០៧ ខែមិថុនា វេលាម៉ោង ០៩៖៣០នាទីយប់) នៅកីឡដ្ឋាន Al-Muharraq ផ្ទុកទស្សនិកជនបាន ១០,០០០នាក់។
៣. កម្ពុជា ប្រកួតជាមួយ អ៊ីរ៉ង់ (ថ្ងៃទី១១ ខែមិថុនា វេលាម៉ោង ០៩៖៣០នាទីយប់) នៅកីឡដ្ឋាន Khalifa Sport City – Isa Town ផ្ទុកទស្សនិកជនបាន ១៥,០០០នាក់។
សូមបញ្ជាក់ថា ចំពោះការប្រកួតទាំងបីនេះ នឹងមានការផ្សាយផ្ទាល់ជូនអ្នកគាំទ្រកម្ពុជាទស្សនាតាមរយៈទូរទស្សន៍ក្នុងស្រុកចំនួន២ គឺទូរទស្សន៍បាយ័ន និង BTV News៕
